गणित सूत्रांसाठी उखाणे

😁😁😁😁😁
आता तर हद्दच  झाली पार गणिताची...😂😂😂

गणित विषयामध्ये सुत्रे पाठ होण्यासाठी *उखाणा* उपक्रम.

१) महादेवाच्या पिंडीसमोर
     उभा आहे नंदी
    आयताचे क्षेञफळ =
     लांबी x रूंदी.

२) हिमालयातील काश्मिर
     म्हणजे भूलोकातील स्वर्ग,
     चौरसाचे क्षेञफळ म्हणजे
      बाजूंचा वर्ग.

३) देवीची ओटी भरू   
     खणानारळाची,
    ञिकोणाचे क्षेञफळ =
      १/२xपायाxउंची.

४) स्वातंञ्याची पहाट म्हणजे
     १९४२ ची चळवळ,
     (सहा बाजू) वर्ग.....
      हे घनाचे पृष्ठफळ

५) तीन पानांचा बेल त्याला
     येते बेलफळ
    लांबीxरूंदीxउंची..... हे
    इष्टिकाचीतीचे घनफळ.

६) जुन्या हजार पाचशेच्या
     बंद झाल्या नोटा,
     खरेदी वजा विक्री
     बरोबर होईल तोटा

७) मी आणि माझे विद्यार्थी
     दररोज खातो काजू ...
     चौरसाची परिमिती =
     4 × बाजु.

 ८) खोप्यात खोपा
      सुगरणीचा खोपा
      विक्री वजा खरेदी
       बरोबर होईल नफा

९) दहा किलो म्हणजे
     एक मण...!!
     घनाचे घनफळ
      बाजूचा घन....!!

१०) *जीवाला जीव देतो तोच    खरा मित्र*
*गणित सोडवायला माहिती  हवीत सुत्र*

११) सम आणि व्यस्त हे
        चलनाचे प्रकार
       पहिल्यात असते गुणोत्तर
        तर दुसर्यात गुणाकार

१२) "गोड" म्हणजे "स्वीट"..
       "कडू" म्हणजे "बीटर"..!!
        एक घनमीटर म्हणजे..
         एक हजार लीटर....!!!!

१३) रविवार नंतर सोमवार
       येतो,
       रविवार नंतर सोमवार
        येतो.....
       प्रत्येक ऋण संख्येचा
        वर्ग ...
        नेहमीच धन होतो.

१४)महादेवाला आवडते
      बेलाचे पान...
      कोणत्याही ञिकोणात
      एक बाजू...
      दोन बाजूच्या बेरजेपेक्षा
       लहान....!!😊

१५) दोनचा वर्ग चार.... !!
       चार चा वर्ग सोळा.... !!!!
       गणिताचे उखाणे   
        घ्यायला,
      ग्रुप झाला गोळा.


_____________________________________________________
*गणित उखाणे /कोडी संग्रह*
              (१ ते १७५)

१)
राखी पोर्णिमेस बहिनीने,
हातात बांधल्या राख्या |
दोन ने पूर्ण भाग न जाणा-या,
सा-याच विषम संख्या |

२)
पंकजला आमच्या  लाडाने,
सगळेच म्हणतात पंख्या |
दोन ने पूर्ण भाग जाणा-या,
संख्यांना म्हणतात समसंख्या |

३)
गणपतीच्या मिरवणूकीत,
असतात सुंदर सुंदर झाक्या |
एक किंवा तिनेच भाग जाणारी,
संख्या असते मूळसंख्या |

४)
गाय बांधायला लाकडाची,
रोवली जमिनीत मेख |
एक अंकी लहानात लहान,
संख्या म्हणजे आहे एक |

५)
पोर्णिमेचा पूर्ण चंद्र,
आकाशात मस्त पहा |
दोन अंकी लहानात लहान,
संख्या आहे दहा |

६)
पेढे खायला असवा,
आपला सर्वात पुढे नंबर |
तीन अंकी लहानात लहान,
संख्या आहे शंभर |

७)
बरणीला इंग्रजीमधून,
आपण सारे म्हणतो जार |
चार अंकीलहानात लहान,
संख्या आहे एक हजार |

८)
अर्जूनाने गदेचा केला,
दुर्योधनाच्या डोक्यात प्रहार |
पाच अंकी लहानात लहान,
संख्या आहे दहा हजार |

९)
वाघाच्या अंगावरचे केस,
रेशमासारखे मऊमऊ |
एक अंकी मोठ्यात मोठी,
संख्या म्हणजे आहे नऊ |

१०)
नाटकी मुलांच्या तोंडाला,
कधीच मुळी नसत चव |
दोन अंकी मोठ्यात मोठी,
संख्या आहे नव्व्यान्नव /

१०)
नाटकी मुलांच्या तोंडाला,
कधीच मुळी नसते चव |
दोन अंकी मोठ्यात मोठी,
संख्या आहे नव्व्यान्नव |

११)
गुलाबाच्या पाकळ्यांवर,
चमकणा-या हि-यासम दव |
तीन अंकी मोठ्यात मोठी,
संख्या नऊशे नव्व्यान्नव |

१२)
रावणाला बिभीषणाची कधी,
आलीच नाही कणव |
चार अंकी मोठ्यात मोठी,
संख्या नऊ हजार नऊशे नव्व्यान्नव |

१३)
मनोभावे देवाच्या पाया,
पडणाराचे दैन्य जाते |
कोणत्याही संख्येस शुन्यने गुणल्यास,
उत्तर बघा शुन्यच येते |

१४)
उंच मानेचा उंच उंट झाडांचा,
पाला बघा कसा  भरभर खातो |
एककस्थानी ०,२,,४,६व ८ असलेल्या संख्येस,
दोनने निःशेष भाग जातो |

१५)
वनराराजा थकून भागून गेल्यास,
जंगलातील गुहेत आराम करतो |
एककस्थानी ० व ५ असलेल्या संख्येस,
पाचने निःशेष भाग जातो |

१६)
भुतांचा राजा वेताळ नेहमीच,
विक्रमादित्य राज्याच्या पाठीवर बसतो |
ज्या संख्येस २ व ३ने निःशेष भाग जातो,
त्या संख्येस सहानेही निःशेष भाग जातो |

१७)
जंगलातला वाघोबा दादा भोपळ्यातल्या,
म्हातारीला गोष्टीत प्रचंड हसतो |
ज्या संख्येस ३व४ने निःशेष भाग जातो,
त्या संख्येस बारानेही निःशेष भाग जातो |

१८)
मारोतीराया मुर्छित लक्ष्मणासाठी,
संजीवनी बुटीचा पर्वतच आणतो |
ज्या संख्येस ३व५ने निःशेष भाग जातो,
त्या संख्येस पंधरानेही निःशेष भाग जातो |

१९)
वनामधे पिसारा फुलवून मोर,
छान नाचत नाचत दाणे खातो |
ज्या संख्येस ८व९ने निःशेष भाग जातो,
त्या संख्येस बहात्तरनेही निःशेष भाग जातो |

२०)
सकाळी सकाळीच कशी कोण जाणे,
सूर्य नारायणाला येते हो जाग |
व्यवहारी अपूर्णांकातील छेद म्हणजे,
वस्तूचे केलेले समान भाग |

२१)
झोपीतून सकाळी ऊठवताच येतो,
आळशी मुलांना भलताच राग |
व्यवहारी अपूर्णांकातील अंश म्हणजे,
वस्तूचे घेतलेले समान भाग |

२२)
दिवाळी सणात नसतो मुळीच,
आपल्या आनंदाला तोटा |अंशाधिक अपूर्णांकातील अंश,
हा असतो छेदापेक्षा मोठा |

२३)
घोड्याच्या घरास तबेला तर,
गाईच्या घरास म्हणतात गोठा |
छेदाधिक अपूर्णांकातील छेद,
हा अंशापेक्षा असतो मोठा |

२४)
पोर्णिमेच्या रात्री आकाशात,
चंद्र चांदण्यासोबत खेळतो |
अंश व छेदास एकाच संख्येने गुणल्यास,
सममूल्य अपूर्णांक मिळतो |

२५)
देवळातील देवा पुढे नंदादीप,
मंदमंदपणे शांत जळतो |
अंश व छेदास एकाच संख्येने भागल्यास,
सममूल्य अपूर्णांक मिळतो |
२६)
मृगजळामागे पळणा-या हरणाला,
पाण्याचा भास हा नेहमीच खोटा असतो |
अंश समान असणा-या अपूर्णांकात,
ज्याचा छेद लहान, तो अपूर्णांक मोठा असतो |

२७)
महान माणसांसोबत सतत राहणारा,
अगदी लहान मानवही महान असतो |
छेद समान असणा-या अपूर्णांकात,
ज्याचा अंश लहान, तो अपूर्णांक लहान असतो |

२८)
आकाशातल्या चंद्राला लोक प्रेमाने,
रजनीकांत आणि शशांक म्हणतात |
ज्या अपूर्णांकाचा छेद १० किंवा दहाच्या घातांकात असतो....
त्या अपूर्णांकास दशांश अपूर्णांक म्हणतात |

२९)
सिंहाने ठोकली आरोळी,
प्रचंड  गगनभेदी |
नफा बरोबर आहे,
विक्री वजा खरेदी |

३०)
शत्रू वर तूटून पडला,
सैन्याचा ताफा |
विक्री बरोबर आहे,
खरेदी आधिक नफा |

३१)
गोल गुळगुळीत दिसतोय,
नदीतला गोटा |
खरेदी बरोबर आहे,
विक्री आधिक तोटा |

३२)
पिंकीताई आमची,
फिरती गोल चक्री |
तोटा बरोबर आहे,
खरेदी वजा विक्री |

३३)
कुंभकर्णाच्या समोर,
रावण दिसतो छोटा |
विक्री बरोबर आहे,
खरेदी वजा तोटा |

३४)
संगमरवरी घरात,
बसायला सोफा |
खरेदी बरोबर आहे,
विक्री वजा नफा |

३५)
अमावस्येला काळ्या रात्री सारे,
पांढ-या चांदण्यांनी व्यापले अंबर |
सरळव्याज बरोबर मुद्दल गुणिले मुदत गुणिले दर भागिले शंभर |

३६)
बागेतला मोर,
मोठा तुर्रेबाज |
रास बरोबर आहे,
मुद्दल आधिक व्याज |

३७)
महान भारतातल आहे,
महान महाराष्ट्र राज्य |
ल.सा.वि.म्हणजे,
लघुत्तम साधारण विभाज्य |

३८)
इंग्रजांनी माजवले होते,
भारतात अराजक |
म.सा.वि. म्हणजे,
महत्तम साधारण विभाजक |

३९)
पंखा फिरून त्यान वारा नाही दिल्यास,
रागात म्हणू त्याला आम्ही पंख्या |
पहिली संख्या बरोबर आहे,
लसावि गुणिले मसावि छेद दुसरी संख्या |

४०)
गुलाबाच्या झाडाची कळी,
फुल होऊन गालात हसावी |
मसावि बरोबर आहे ,
दोन संख्यांचा गुणाकार छेद लसावि |

४१)
आम्हाला चिडवणा-याची गाडी,
फस्सकन चिखलातच फसावी |
लसावि बरोबर आहे ,
दोन संख्यांचा गुणाकार छेद मसावि |

४२)
सगळ्यांनाच खूप आवडतो,
क्रिकेटचा खेळ |
वेग बरोबर आहे,
अंतर भागिले वेळ |

४३)
उन्हाळ्यात जमिनीला,
पडते मोठी भेग |
गाडीला लागणारा वेळ बरोबर,
गाडीची लांबी छेद ताशी वेग |

४४)
श्रीमंताना असते त्यांच्या,
पैशाची नुसती धुंदी |
आयताची परिमिती बरोबर,
दोन कंसात लांबी आधिक रंदी |

४५)
शंभो महादेवासमोर,
बसलेला भव्य नंदी |
आयताचे क्षेत्रफळ बरोबर,
लांबी गुणिले रूंदी |

४६)
बाजारात होत असते कधी,
एखाद्या मालाची अचानक मंदी |
आयताची लांबी बरोबर आहे,
कंसात परिमिती छेद दोन, कंस बंद वजा रुंदी|

४७)
आंबादासच्या बायकोला सारे,
लाडेलाडे म्हणतात आंबी |
चौरसाची परिमिती बरोबर,
चार गुणिले बाजुची लांबी |

४८)
काश्मीर हा जणू,
भारताचा स्वर्ग |
चौरसाचे क्षेत्रफळ बरोबर,
बाजूचा वर्ग |

४८)
मोबाईल आल्यामुळे धूळखात,
घरात पडून आहेत टेलिफोन |
समभूज चौकोनाचे क्षेत्रफळ बरोबर,
कर्णाच्या लांबीचा गुणाकार छेद दोन |

४९)
आईच्या मोबाईलमधे वाजते,
देवाच्या आरतीची टोन |
त्रिकोनाचे क्षेत्रफळ बरोबर,
पाया गुणिले उंची छेद दोन |

५०)
ताई दादाच्या रोजच्या भांडणात,
आई बाबांच नेहमीच असतं मौन |
काटकोन त्रिकोणाचे क्षेत्रफळ बरोबर,
काटकोन करणा-या बाजूंचा गुणाकार छेद दोन |
           
५१)
घनदाट अरण्यातला असतो,
बिकट अवघड काटेरी मार्ग |
काटकोन त्रिकोणात कर्ण वर्ग बरोबर,
पाया वर्ग आधिक उंची वर्ग |
५२)
गोड गोजिरी मंडपातली नवरी,
सा-या व-हाडीच्या मनात कशी ठसते |
त्रिकोनाच्या तिन्ही कोनाच्या मापाची बेरीज,
एकशी ऐंशी अंश असते |

५३)
कठीण कवच असणारे नारळ,
आत मात्र एवढे कडक  नसते |
दोन कोटीकोनांच्या मापाची बेरीज,
नेहमीच नव्वद अंश असते |

५४)
पाण्यातली मासळी बिचारी,
जाळ्यात नकळतच फसते |
दोन पुरक कोनाच्या मापाची बेरीज,
नेहमीच एकशे ऐंशी अंश असते |

५५)
गाईला शिंग नेहमीच असतात दोन |
नव्वद अंश मापाचा असतो काटकोन |

५६)
देवाने पक्ष्यांना छान,
पंख दिलेत दोन |
एकशे ऐंशी अंश मापाचा,
असतो सरळ कोन |

५७)
होता जीवा म्हणून वाचला हो शिवा |
व्यास म्हणजे वर्तुळाची सर्वात मोठी जीवा |

५८)
रिमझिम रिमझिम पावसात लहानांना,
भिजायची वाटते फारच मज्जा |
वर्तुळ केंद्रातून निघून परिघास,
मिळणारा रेषाखंड म्हणजे त्रिज्या |


५९)
आपण राहतो ते घर असते,
इंद्र राहतो तो असतो स्वर्ग |
वर्तुळाचे क्षेत्रफळ बरोबर,
पाय गुणिले त्रिजेचा वर्ग |

६०)
शरीरातल्या कोणत्याही हाडाला,
इंग्रजी भाषेत म्हणतात बोन |
अर्धवर्तुळाचे क्षेत्रफळ बरोबर,
पाय गुणिले त्रिजेचा वर्ग छेद दोन |


६१)
पायावर मोठा धोंडा पडल्यावर,
कुणाचाही जीव होतो कासाविस |
वर्तुळाची त्रिज्या बरोबर आहे,
वर्गमुळात क्षेत्रफळ गुणिले सात छेद बावीस |

६२)
खाण्यासाठी मानवाला देवानं,
दिलेत मोजून दातं बत्तीस |
अर्धवर्तुळाची त्रिज्या बरोबर आहे,
परिमिती गुणिले सात छेद छत्तीस |


६३)
झारखंड नावाच्या राज्याच्या,
राजधानीच नाव आहे रांची |
इष्टिकाचितीचे घनफळ बरोबर,
लांबी गुणिले रूंदी गुणिले उंची |

६४)
चूक कुणीच स्विकारत नसत,
चुक नसते ना याची ना त्याची |
काटकोनी चितीचे घनफळ बरोबर,
पायाचे क्षेत्रफळ गुणिले उंची |

६५)
ऋषीमुनी स्नान करतांना पूर्वी,
न चुकता सूर्याला द्यायचे अर्घ्य |
गोलाचे पृष्ठफळ बरोबर आहे,
चार पाय गुणिले त्रिजेचा वर्ग |

६६)
देवाच्या भजनात असावे,
तल्लीन तन आणि मन |
घनचितीचे घनफळ बरोबर,
बाजूचा घन |

६७)
तोच यशस्वी होतो,
जो काढतो संकटातून मार्ग |
घनाचे पृष्ठफळ बरोबर आहे,
सहा कंसात बाजूचा वर्ग |

६८)
आपल ज्ञान खर असाव,
ते नसाव पोपटपंची |
समांतरभूज चौकोनाचे क्षेत्रफळ बरोबर,
पाया गुणिले उंची |

६९)
आपले गुरूच देत असतात,
आपल्या जीवनाला योग्य आकार |
समभूज चौकोनाचे क्षेत्रफळ बरोबर,
एक छेद दोन गुणिले कर्णाचा गुणाकार |

७०)
कंडक्टर काढतो बसच तिकीट |
साठ सेकंद बरोबर एक मिनिट |

७१)
ढगात आकारांचे होतात भास |
साठ मिनिटे बरोबर एक तास |

७२)
शेतात धान्याची पडली मोठी रास |
तीन हजार सहाशे सेकंद ,
म्हणजेच एक तास |


७३)
अमावस्येला काहीजण म्हणतात आवस |
चोवीस तास बरोबर एक दिवस |

७४)
आंध्रप्रदेशात आवडीने खातात ईडली वडा |
सात दिवसांचा असतो एक आठवडा |

७५)
पत्राळी सोबतच जेवणासाठी
 दिला जातो द्रोण |
नव्वद अंशापेक्षा लहान मापाचा,
असतो लघूकोन |

७६)
तिखट खायला लागत झणझण |
बारा वस्तू म्हणजे एक डझन  |

७७)
डाॅक्टर देतो भारी औषधांचा डोस |
बारा डझन म्हणजेच एक ग्रोस |

७८)
शेतात जाणारा चिखलाचा रस्ता |
चोवीस कागद बरोबर एक दस्ता |

७९)
उन्हाळ्यात सारे खातात आईसक्रीम |
वीस दसात्यांचा मिळून होतो एक रिम |

८०)
तोच दुकानदार हुशार,
जो विकतो नगद |
एक रिम बरोबर चारशे ऐंशी कागद |

८१)
दातांशी संबंधित असते इंग्रजीत डेंटल |
शंभर किलोग्रॅम म्हणजे एक क्विंटल |

८२)
पाण्यासारखं निर्मळ असाव मन |
दहा क्विंटल म्हणजे एक टन |

८३|
मोबाईलची माझ्या सोळा जी बी रॅम |
एक टन म्हणजे एक हजार किलोग्रॅम |

८४)
गरागरा फिरतय गोल चाकाच मिटर |
एक क्युसेक म्हणजे एक हजार घन लिटर |

८५)
राणी लक्ष्मीबाईच्या नावा बरोबर,
नाव येत लगेच झाशी |
जीची किंमत बदलत नाही,
ती असते अचलराशी |

८६)
साखरे सारखाच असतो,
 गोड चवीला गूळ |
काटकोनास अंतरलिखित करणारा,
कंस म्हणजे अर्धवर्तुळ |

८७)
मुख्य दिशा पूर्व, पश्चिम,
दक्षिण आणि उत्तर |
अपूर्णांक म्हणजेच,
दोन संख्यांच गुणोत्तर |

८८)
जन्मदात्या पित्यास म्हणतात जनक |
अवयव म्हणजे संख्या किंवा
बहुपदीचे गुणक |

८९)
आपण प्रथम भारतीय आहोत ,
नंतर बौद्ध, मुस्लिम वा हिंदू |
सुरूवात ज्या बिंदूपासून होते,
तोच असतो आरंभ बिंदू |

९०)
वर्तमान पत्रातील मुख्य लेखाला,
त्या वर्तमान पत्राचा अग्रलेख म्हणतात |
संख्येशी निगडीत असलेल्या बिंदूला,
त्या संख्येचा आलेख म्हणतात |

९१)
लहान मुलांना नेहमीच,
वाटत असते भूताची भिती |
वीटे सारख्या आकाराची,
असते इष्टिकाचिती |

९२)
छत्रपती शिवरायांच्या काळी व्यवहारसाठी,
जे चलन वापरायचे त्याला होन म्हणतात |
दोन रेषांचे एकमेकींपासून कलने,
ज्या मापाने दाखवतात त्याला कोन म्हणतात |

९३)
जोरात पळाल की लागते धाप |
एकक म्हणजे प्रमाणित माप |

९४)
लाल तोंडाच्या माकडा माकडा हूप |
शेपटीला तुझ्याच रे शेरभर तूप |
परस्परावर ठेवलेल्या दोन आकृत्या तंतोतंत जुळल्यास,
त्यांना म्हणावे एकरूप |

९५)
लक्ष्मण गो-या रंगाचा,
श्रीरामाचा निल वर्ण |
काटकोनाच्या समोरील
बाजूस,म्हणतात कर्ण |

९६)
लाजाळूच्या झाडाला करून बघा स्पर्श |
तिनशे पासष्ट दिवसांचे होते एक वर्ष |

९७)
मडक्यांची छान घरात उतरंड |
रेषेचा तुकडा म्हणजेच रेषाखंड |

९८)
गांधीजींनी चालू केली असहकार चळवळ |
वस्तूने व्यापलेली जागा म्हणजे तिचे घनफळ |

९९)
तव्यावरची भाकरी आई चांगली गरम भाज |
व्याजावर वाढणार व्याज म्हणजे चक्रवाढ व्याज |

१००)
शिवरायांनी शायिस्तेखानाला,
घडविली मोठीअद्दल |
चक्रवाढ व्याज बरोबर,
रास वजा मुद्दल |

१०१)
कबड्डी आपल्या देशाचा राष्ट्रीय खेळ |
अंतर बरोबर वेग गुणिले वेळ |

१०२)
आंधळ्या बहि-याला लागतो सारा मेळ |
वेग बरोबर आहे अंतर भागिले वेळ |

१०३)
आकाशात दाटले काळे काळे मेघ |
वेळ बरोबर आहे अंतर भागिले वेग |

१०४)
अंकुश नावाच्या मुलाला पोर,
चिडवतांना म्हणतात अंक्या |
सरासरी बरोबर आहे एकूण बेरीज,
छेद परिमाण संख्या |

१०५)
श्रावण महिन्यात आकाशातून,
कोसळतात पावसाच्या सरी |
एकूण बेरीज बरोबर आहे,
परिमाण संख्या गुणिले सरासरी |

१०६)
श्रीकृष्णाला अनेक नावे,
कुणी म्हणे नारायण कुणी म्हणे हरी |
संख्या बरोबर आहे,
एकूण बेरीज छेद सरासरी |

१०७)
मामाच्या बायकोला मामी तर,
काकाच्या बायकोला म्हणतात काकी |
भाज्य बरोबर आहे, भाजक
गुणिले भागाकार अधिक बाकी |

१०८)
पावसात सारी मुलं मजेत नाचतात |
एका बिंदूतून अनंत रेषा जातात |

१०९)
परस्परात प्रेम वाढवून घट्ट करूया नाते |
दोन बिंदूमधून एक आणि,
एकच रेषा जाते |

११०)
पाच पांडवातील अर्जूनाला,
पार्थ किंवा कौंतेय असे म्हणतात |
गृहितका आधारे जो गुणधर्म सिद्ध होतो,
त्यालाच प्रमेय असे म्हणतात |

१११)
हुशार विद्यार्थ्यांचे नेहमीच,
शिकण्याकडे ध्यान असते |
कोनाचे माप हे शुन्य अंश ते ,
एकशे ऐंशी अंश दरम्यान असते |

११२)
कर्ज या मराठीतील शब्दाला,
इंग्रजीमध्ये लोन म्हणतात |
दोन कोनांची मापे सारखी असल्यास,
त्यांना एकरूप कोन म्हणतात |

११३)
विष्णुच्या हाती सुदर्शन चक्र,
कमळ, गदा आणि शंख |
मापनासाठी वापरलेले ,
संकेत चिन्ह म्हणजेच अंक |

११४)
माणसाला चालायला, पळायला,
देवाने पाय दिलेत दोन |
नव्वद अंशापेक्षा जो मोठा असतो,
तो असतो विशालकोन |

११५)
साप कधीच हटकून कुणाला,
करत नसतो विनाकारणची दंश |
त्रिकोणाच्या तिन्ही कोनाच्या मापाची बेरीज,
असते एकशे ऐंशी अंश |

११६)
प्रजननाद्वारे सजीव सगळे,
वाढवत असतात आपापला वंश |
चौकोनाच्या चारही कोनाच्या..
मापाची बेरीज तिनशे साठ अंश |

११७)
आपल्याला कोण सोडवणार आहे,
संत महात्यांखेरीज |
चौकोनाची परिमिती बरोबर,
चारही बाजूंच्या लांबीची बेरीज |

११८)
लहान बाळाला खेळण्यासाठी,
छान खुळखुळे बनतात |
त्रिज्या समान असणा-या वर्तुळांना,
एकरूप वर्तुळे म्हणतात |

११९)
गरजाणारे आभाळ कधी पडत नसते |
अर्धवर्तुळाचे माप एकशे ऐंशी अंश असते |

१२०)
कोकणातल्या लोकांचे मुख्य अन्न भात |
पायची किंमत असते बावीस छेद सात |

१२१)
गणपती बाप्पांचे वाहन आहे मूषक |
दहा एककांचा होतो एक दशक |

१२२)
पाण्यात पोहतात पांढरे शुभ्र बदक |
दहा दशकांचा होतो एक शतक |

१२३)
वर्गातला बंड्या गुरूजींचा हस्तक |
शंभर एकक मिळून होतो एक शतक |

१२४)
आई करते माया आणि वडील देतात मार |
दहा शतकांचा होतो एक हजार |

१२५)
संभाजीराजे आपले शूर होते फार |
दहाहजार बरोबर एक दश हजार |

१२६)
बिभिषणाने घेतला रामाचा पक्ष |
दहा दशहजारांचा होतो एक लक्ष |

१२७)
मांजराचे आवडते उंदीर आहे भक्ष्य |
दहा लक्ष मिळून होतो एक दशलक्ष |

१२८)
शिवराय जन्मले जिजाऊंच्या पोटी |
दहा दशलक्षांचा होतो एक कोटी |

१२९)
सांगू नका कुणाला बातमी कधी खोटी |
दहा कोटी मिळून होतो एक दशकोटी |

१३०)
कुत्र्याच सदा वाकडं असतं शेपुट |
बारा इंच बरोबर आहे एक फूट |

१३१)
घराला संरक्षण देणारा असतो गार्ड |
तीन फूट म्हणजे एक यार्ड |

१३२)
शाळेतल्या मुलांची शिस्तीत चालते रांग |
दोनशे वीस यार्ड बरोबर एक फर्लांग |

१३३)
चित्रात मोहक रंग भरून आपले चित्र,
जीवंत करत असतो महान चित्रकार |
ए छेद बी बरोबर सी छेद डी असेल तर..
अंत्य पदाचा गुणाकार बरोबर मध्य पदांचा गुणाकार |

१३४)
दह्यापासून बनते त्यास श्रीखंड म्हणतात,
आंब्याचे बनते त्यास आम्रखंड म्हणतात |
दोन भिन्न बिंदू दरम्यानच्या,
सर्व बिंदू संचाला रेषाखंड म्हणतात |

१३५)
मोबाईलला मराठीत भ्रमणध्वनी म्हणतात,
दूरध्वनीला इंग्रजीत म्हणतात टेलिफोन |
एकाच आरंभ बिंदत आसलेल्या पण विरूद्ध किरण नसलेल्या..
दोन किरणांच्या संयोग संचास म्हणतात कोन |

१३६)
शेतक-याचा खरा मित्र म्हणजे बैल |
एकहजार सातशे साठ यार्ड म्हणजे एक मैल |

१३७)
ताप आला की सूई टोचतो डाॅक्टर |
दोन दशांश चार सात एकर म्हणजे एक हेक्टर |

१३८)
शेतक-यान बांधली त्याच्या,
शेतात एक छान  खोपी |
एक किलो वॅट बरोबर,
एक दशांश तीन चार एच पी |

१३९)
मॅडमला थोडक्यात म्हणतात मॅम |
एक टन बरोबर एक हजार किलोग्रॅम |

१४०)
पाणी गरम करायला असते हिटर |
एक हजार घन सेमी बरोबर एक लिटर |

१४१)
अभ्यास केला तर गुणांची हमी |
एक फूट बरोबर तीस दशांश पाच सेमी |

१४२)
स्वराज्यास्तव शिवरायांनी केली सुरतेची लूट |
एक मीटर बरोबर तीन दशांश दोन पाच फूट |

१४३)
वीज किती वापरली ते सांगते मीटर |
एक यार्ड बरोबर...
शुन्य दशांश एक नऊ चार मीटर |

१४४)
हिवाळ्यात खावा काजू,बदाम,पिस्ता |
चोवीस कागदांचा होतो एक दस्ता |

१४५)
तेलाचा डबा खूप तेलकट असतो |
वर्तुळाचा व्यास त्रिजेच्या दुप्पट असतो |

१४६)
हत्ती समोर मुंगीच काय भरेल वजन |
सहा वस्तू म्हणजे अर्धा डझन |

१४७)
महेंद्रसिंग धोनी आहे प्रसिद्ध हिटर  |
एक गुंठे बरोबर एक हजार एकोणनव्वद मीटर |

१४८)
शेतातल्या झोपडीला बोराटीच दार |
एक हेक्टर बरोबर शंभर आर |

१४९)
राजू आहे चिडका त्याला म्हणतात चिटर |
शंभर सेंटीमिटर बरोबर एक मीटर |

१५०)
रोहित शर्मा भारताचा आहे मोठा हिटर |
एकहजार मिली लिटर म्हणजे एक लिटर |

१५१)
सकाळी सकाळी देवाचे भजन म्हणा |
तीस दिवस बरोबर एक महिना |

१५२)
पास झाल्यावर मुलांना होतो हर्ष |
बारा महिने बरोबर एक वर्ष |

१५३)
खंडोबाच्या गळ्यात सोन्याचा कंठा |
शंभर चौरस मीटर बरोबर एक गुंठा |

१५४)
गावात शांतता हवी, नको उगी तंटे |
एक एकर बरोबर चाळीस गुंठे |

१५५)
पोट भरल्यावर येतो मोठा ढेकर |
एक हेक्टर बरोबर दोन दशांश पाच एकर |

१५६)
ह्रदयासाठी खावे रोज जेवनात जवस |
एकहजार चारशे चाळीस मिनिट..
म्हणजे एक दिवस |

१५७)
माकडाची टोपी झाली जरा सैल |
आठ फर्लांग म्हणजे एक मैल |

१५८)
वाईट आहे मुक्या प्राण्यांना,
स्वार्थासाठी पळवणे |
बेरीज म्हणजे एका संख्येत,
दुसरी संख्या मिळवणे |


१५९)
मोठे रागात आले की बाळगावे मौन |
आयताचे चारही कोन असतात काटकोन |

१६०)
वणव्याच्या आगीचे जंगलात पसरले लोन |
चौरसाचे चारही कोन असतात काटकोन |

१६१)
भारतरत्न हा भारताचा सर्वोच्च बहुमान |
चौरसाच्या चारही बाजू असतात समान |

१६२)
शीत कटीबंधातले थंड असते हवामान |
आयताच्या समोरासमोरील बाजू असतात समान |

१६३)
भीम होता प्रचंड बलशाली,
अंगात त्याच्या दहा हत्तीच बळ |
आकृतीने व्यापलेली सपाट जागा,
मोजण्याचे माप म्हणजे क्षेत्रफळ |

१६४)
दूध तापवले की त्यावर येते साय |
रोमनांकात एक साठी लिहतात आय (I) I

१६५)
काॅपी काढण्यासाठी करतात झेराॅक्स |
रोमनांकात दहासाठी लिहतात एक्स (X) |

१६६)
कैद्यांना जिथ ठेवल जात, त्याला म्हणतात जेल |
रोमनांकात चाळीसला लिहतात एक्स एल (XL)|

१६७)
चेंडू हवेत पकडला की होतो झेल |
रोमनांकात पन्नासला लिहतात एल (L)|

१६८)
कपाचा जोडीदार नेहमी असते बशी |
रोमनांकात नव्वदला लिहतात एक्स सी (XC)|

१६९)
तुपाला हिंदी भाषेत म्हणतात घी |
रोमनांकात शंभरला लिहतात सी (C)|

१७०)
गुरूजींच्या हातातली गळून पडली छडी |
रोमनांकात पाचशेला लिहतात डी (D)|


१७१)
सर्वांनीच पाळावेत रहदारीचे नियम |
रोमनांकात नऊशेला लिहतात सी एम (CM)|

१७२)
देवळात उदबत्तीचा सुवास येतो घमघम |
रोमनांकात हजारला लिहतात एम (M)|

१७३)
कवायतीला वाजतो शाळेत ढोल |
चेंडूचा आकार हा असतो गोल |

१७४)
अंकिताला लाडाने म्हणतात सारेच अंकू |
विदुषकाच्या टोपीचा आकार असतो शंकू |

१७५)
आईच्या प्रेम असते जगात अनमोल |
काकडीचा आकार असतो दंडगोल |